"Margaritaville" ගීතයෙන් රසිකයින් පින වූ ජිමී බෆට් දිවි ගමනට සමුදෙයි: දශක පහක වෘත්තීය දිවියේ සංගීත ඇල්බම 27 ක්

ප්‍රසිද්ධ ඇමරිකානු ගායකයෙකු සහ ගීත රචකයෙකු වන ජිමී බෆට් අභාවප්‍රාප්ත වී තිබෙනවා.

මියයන විට ඔහු 76 වන වියේ පසු වූ බවයි විදෙස් මාධ්‍ය වාර්තා කළේ.
"Margaritaville" ගීතයෙන් ජනප්‍රියත්වයට පත් වූ ඔහු ඊයේ රාත්‍රියේදී පවුලේ අය, මිතුරන්, සංගීතය සහ සුරතලුන් මධ්‍යයේ දිවියට සමුදුන් බව ඔහුගේ ඥාතීන් නිවේදනය කර තිබුණා.

ජිමී 1977 වසරේදී නිකුත් කරන ලද Margaritaville, Billboard Hot 100 ලැයිස්තුවේ 8 වැනි ස්ථානයට පත් වූ අතර සති 22 ක් එය ලැයිස්තුවේ රැඳී තිබූ අතර, එය ඔහුගේ ජනප්‍රියම ගීතය බවට පත් විය.

දශක පහකට වැඩි කාලයක් පුරා විහිදී ගිය වෘත්තීය ජීවිතය තුළ ජිමී බෆට් විසින් සංගීත ඇල්බම 27 ක් නිකුත් කර තිබුණා.