කොරියන් නාට්‍ය බලන අයට අත්වන ඉරණම: තරුණයින් දෙදෙනෙක් වසර 12ක් හිරේට
දකුණු කොරියානු නාට්‍ය නැරඹූ 16 හැවිරිදි තරුණයින් දෙදෙනෙකුට උතුරු කොරියාව බරපතල වැඩ සහිත වසර 12ක සිරදඬුවම් නියම කළ පුවතක් විදෙස් මාධ්‍ය වාර්තාකර සිටිනවා.
ඒ, දකුණු කොරියාවේ චිත්‍රපට, නාට්‍ය සහ ගීත නැරඹීම උතුරු කොරියාව විසින් තහනම් කර ඇති පසුබිමකයි.
2022 දී රූගත කරන ලදැයි කියනු ලබන මෙම දර්ශනපටයේ අදාළ තරුණයින් දෙදෙනා අත්අඩංගුවට ගන්නා ආකාරය විදෙස් මාධ්‍ය විසින් ප්‍රසිද්ධ කර තිබෙනවා.
එළිමහන් ක්‍රීඩාංගණයක සිසුන් සිය ගණනක් ඉදිරියේ එරට බලධාරීන් අදාළ තරුණයින් දෙදෙනා අත්අඩංගුවට ගන්නා ආකාරය එහි දැක්වෙනවා.
රූපවාහිනිය ඇතුළු දකුණු කොරියානු විනෝදාස්වාදයන් වන චිත්‍රපට, නාට්‍ය සහ ගීත නැරඹීම උතුරු කොරියාවේ තහනම් කර ඇති අතර, ඒවා නරඹන පිරිසට දැඩි දඩුවම් පැනවීමටත් උතුරු කොරියාව කටයුතු කරන බවයි විදෙස් මාධ්‍ය සඳහන් කරන්නේ,
දකුණු කොරියානු විනෝදාස්වාදය නැරඹීම හෝ බෙදා හැරීම තහනම් කරමින් උතුරු කොරියාව 2020 දී නීතියක් පැනවුවා.
"ඔබ ඇමරිකානු නාට්‍යයක් නරඹමින් සිට හසු වුවහොත් ඔබට පගාවකින් ගැලවිය හැකියි , ඒත් ඔබ කොරියානු නාට්‍යයක් බැලුවොත් ඔබට වෙඩි වැදෙනු ඇත" උතුරු කොරියානු ජාතිකයෙකු BBC Korean වෙත පවසා සිටියේ මෙවැන්නක්..