දින 4ක් රාජගිරිය අවට වැසෙන පාරවල්: ජූනි 30 වැනි දින සවස 5 සිට ජූලි මස 4 වැනිදා අලුයම 5 දක්වා රාජගිරිය පාරේ මැද වැලිකඩ හන්දිය, මොරගස්මුල්ල හන්දිය හා මාදින්නාගොඩ හන්දියෙන් මාර්ගය වසා තැබෙනු ඇති.

ජූනි 30 වැනි දින සවස 5 සිට ජූලි මස 4 වැනිදා අලුයම 5 දක්වා රාජගිරිය පාරේ මැද වැලිකඩ හන්දිය, මොරගස්මුල්ල හන්දිය හා මාදින්නාගොඩ හන්දියෙන් මාර්ගය වසා තැබෙන බව පොලිසිය පවසනවා.

ඒ, රාජගිරිය පාර මැදවැලිකඩ හන්දියේ සිට මාදින්නාගොඩ හන්දිය දක්වා කොටසේ ජලනළ එලීමේ ව්‍යාපෘතියක් ක්‍රියාත්මක වීම හේතුවෙන්.

අදාළ දිනවල මෙම මාර්ගය භාවිත නොකර විකල්ප මාර්ග භාවිත කරන ලෙසයි පොලිසිය මහජනතාවගෙන් ඉල්ලා සිටින්නේ.

ඒ් අනුව මාදින්නාගොඩ සිට රාජගිරියට ඇතුළුවන වාහන මාදින්නාගොඩ හන්දියෙන් දකුණට හැරී රාජගිරිය පාරේ ගමන් කර මොරගස්මුල්ලෙන් වමට හැරී මොරගස්මුල්ල පාර, ඔබේසේකර පුර පාර ඔස්සේ රාජගිරිය හා බොරැල්ල දෙසට ගමන් කළ හැකියි.

රාජගිරිය දෙස සිට මාදින්නාගොඩ දෙසට ගමන් ගන්නා වාහන ඔබේසේකරපුර පාර ඔස්සේ මොරගස්මුල්ල හන්දියට පැමිණ දකුණට හැරී රාජගිරිය පාර ඔස්සේ මාදින්නාගොඩ හන්දියට පැමිණ, මාදින්නාගොඩ හන්දියෙන් වමට හැරී මාදින්නාගොඩ දෙසට ගමන් කළ හැක.

රාජගිරිය පාර ඔස්සේ මාදින්නාගොඩ දෙසට ගමන් ගන්නා වාහන මැද වැලිකඩ හන්දියෙන් දකුණට හැරී මැදවැලිකඩ පාර ඔස්සේ කමතවත්ත පාරට පිවිස, බුත්ගමුව පාර ඔස්සේ ගමන් කර මහනියර හන්දියෙන් වමට හැරී මාදින්නාගොඩ දෙසට පැමිණිය හැක.