මහ දවාලේ කොළඹ වෙඩි තැබීමක්: මත්ද්‍රව්‍ය නාශක කාර්යාංශයෙන් දෙදෙනෙකු රැගෙන යයි
Update - 2023/10/24 13.37PM
කොළඹ මධ්‍යම තැපැල් හුවමාරුවේ තිබූ පාර්සලයක් ගෙනයාම සඳහා සුඛෝපභෝගී මෝටර් රථයකින් පැමිණි පුද්ගලයින් දෙදෙනෙකු පොලිස් මත්ද්‍රව්‍යනාශක කාර්යාංශයේ නිලධාරීන් විසින් රැගෙන ගොස් ඇති බව මේ වනවිට වාර්තා වනවා.
ඔවුන් විසින් කොළඹ - කොළඹ - ඩී.ආර්. විජේවර්ධන මාවතේදී මෙලෙස ඔවුන් රැගෙන ගොස් ඇති බවයි වාර්තා වන්නේ.
ත්‍රිරෝද රථයකින් පැමිණ පොලිස් නිලධාරීන් විසින් ඔවුන් රැගෙන ගොස් තිබෙනවා.
2023/10/24 13.25PM
කොළඹ - ඩී.ආර්. විජේවර්ධන මාවතේ පිහිටි බැංකුවක් ඉදිරිපිට අද දහවල් වෙඩි තැබීමක් සිදුව තිබෙනවා.
එහිදී වෙඩික්කරුවන් විසින් සුඛෝපභෝගී රථයකින් පැමිණි දෙදෙනෙකු පැහැරගෙන ගොස් ඇති බවයි පොලීසිය කියා සිටියේ.
කෙසේ වෙතත්, සිද්ධිය සම්බන්ධයෙන් පොලීසිය මේ වනවිට වැඩිදුර විමර්ශනයක් ආරම්භ කර ඇති අතර, ප්‍රදේශයේ සී.සී.ටී.වී. කැමරා දර්ශන යොදා ගනිමින් විමර්ශන සිදු කෙරෙන බවයි වාර්තා වන්නේ.