පානදුරේ ක්‍රීඩා භාණ්ඩ අලෙවිසැලක ගින්නක්: මොරටුවෙන් පැමිණ ගින්න නිවා දැමේ
පානදුර නගරය ආසන්නයේ පිහිටි ක්‍රීඩා භාණ්ඩ අලෙවිසැලක අද පෙරවරුවේ ගින්නක් හටගෙන තිබෙනවා.
දෙමහල් ගොඩනැගිල්ලක මෙම ගින්න හටගෙන ඇති අතර, ගින්නෙන් එහි පවත්වාගෙන ගිය ක්‍රීඩා භාණ්ඩ අලෙවිසැලට දැඩි හානියක් සිදුව ඇති බවයි වාර්තා වන්නේ.
අද උදෑසන 7.30 ට පමණ ගින්න හටගෙන ඇති අතර, මොරටුව මහ නගර සභාවේ ගිනි නිවීමේ ඒකකය පැමිණ ගින්න මැඩපවත්වා තිබෙනවා.
ගින්නට හේතුව මෙතෙක් අනාවරණ වී නොමැති අතර, ඉන් සිදුවූ පාඩුව මෙතෙක් තක්සේරු කර නැහැ.