නිදන් හෑරු 10ක් මාට්ටු: වැඩිදුර විමර්ශන ක්‍රියාත්මකයි
Photo - Google
වාලච්චේන - කල්ලිච්චිය පලෙයි රක්ෂිතයේ නිදන් හෑරූ පුද්ගලයින් 10දෙනෙකු අත්අඩංගුවට ගෙන තිබෙනවා.
වාකරේ පොලිස් විශේෂ කාර්ය බළකායට ලද තොරතුරකට අනුවයි මෙම වැටලීම සිදුකර ඇත්තේ.
එහිදී කැණිම් සිදුකිරීම සදහා යොදාගත් උපකරණ ද විශේෂ කාර්ය බළකා භාරයට ගෙන තිබෙනවා.
අත්අඩංගුවට ගත් සැකකරුවන් අවුරුදු 20 ත් 64 ත් අතර පසුවන තඹුත්තේගම, අනුරාධපුර, පරාක්‍රම සමුද්‍රය, මුරුතලාව, පොළොන්නරුව සහ වැලිකන්ද යන ප්‍රදේශවල පදිංචිකරුවන් වනවා.
පොලිස් විශේෂ කාර්ය බලකාය විසින් අත්අඩංගුවට ගත් සැකකරුවන් සහ අදාළ උපකරණ මේ වනවිට වාලච්චේන පොලිසියට භාර දී තිබෙනවා.
සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි