වනිඳුට අයි.පී.එල්. වරම අහිමි වෙයිද ?: ඉන්දීය ප්‍රීමියර් ලීග් තරගාවලියේ රෝයල් චැලේන්ජර්ස් බැංගලෝර් කණ්ඩායම සහභාගි වන ඉදිරි තරග සඳහා ක්‍රීඩා කිරීමේ අවස්ථාව වනිඳු හසරංගට හිමි නොවනු ඇති බව වාර්තා වනවා.
ඡායාරූපය - Hindustantimes.com
ඉන්දීය ප්‍රීමියර් ලීග් තරගාවලියේ රෝයල් චැලේන්ජර්ස් බැංගලෝර් කණ්ඩායම සහභාගි වන ඉදිරි තරග සඳහා ක්‍රීඩා කිරීමේ අවස්ථාව ශ්‍රී ලංකා කණ්ඩායමේ සුපිරි දඟ පන්දු යවන ක්‍රීඩක වනිඳු හසරංගට හිමි නොවනු ඇති බව වාර්තා වනවා.
රෝයල් චැලෙන්ජර්ස් බැංගලෝර් කණ්ඩායම ක්‍රීඩා කළ අවසන් තරග දෙක සඳහාද ශ්‍රී ලංකා ක්‍රීඩක වනිදු හසරංග ඇතුළත් වූයේ නැහැ.
වනිඳු හසරංග පැවති තරගවලදී දක්ෂතා නොදැක්වීම හේතුවෙන් මෙම පියවර ගෙන ඇති බවයි රෝයල් චැලෙන්ජර්ස් බැංගලෝර් කණ්ඩායමේ සමාජ ජාල ගිණුම්වලට ප්‍රතිචාර දක්වන්නන් සඳහන් කර ඇත්තේ.
ඒ අනුව ඉදිරියේදී රෝයල් චැලෙන්ජර්ස් බැංගලෝර් කණ්ඩායමෙන් වනිඳු හසරංග මුදා හරිනු ඇති බවත් යළිත් ඔහුට ලංසු තැබීමක් නොකරනු ඇති බවත් වාර්තා වනවා.
මේ වනවිට අයි.සී.සී. විස්සයි විස්ස හොඳම පන්දු යවන්නන් අතර සිව්වන ස්ථානයේ වනිඳු හසරංග පසුවන අතර, එහි පෙරමුණ ගෙන ඇත්තේ ඇෆ්ගනිස්ථානයේ රෂීඩ් ඛාන්.