LPL තරගාවලියේ තරග කාලසටහන එළිදක්වයි - පළමු තරගය කොළඹ දී: මංගල තරගය Colombo Strikers සහ Jaffna Kings අතර
2023 වර්ෂයට නියමිත ලංකා ප්රීමියර් ලීග් තරගාවලියේ තරග කාලසටහන එළිදක්වා තිබෙනවා.
එළඹෙන ජුලි මස 30 වැනි දින LPL පළමු තරගය ඇරඹීමට නියමිත අතර, එම තරගය Colombo Strikers සහ Jaffna Kings කණ්ඩායම් අතර පැවැත්වීමට නියමිතයි.
කොළඹ ප්රේමදාස ක්රීඩාංගණයේ දී තරගය පැවැත්වෙන්නේ මෙරට වේලාවෙන් රාත්රී 7.30ටයි.
එලෙස ඇරඹෙන මෙවර ලංකා ප්රීමියර් ලීග් තරගාවලියේ අවසාන මහා තරගය අගෝස්තු මස 20 වැනි දින පැවැත්වීමට නියමිතයි.
එය ද කොළඹ ආර්.ප්රේමදාස ක්රීඩාංගණයේ දී රාත්රී තරගයක් ලෙස පැවැත්වෙන අතර, එදින තරගයට වර්ෂාවෙන් බාධා එල්ල වුවහොත්, අමතර දිනයක් ලෙස අගෝස්තු 21 වැනි දින ද වෙන් කර තිබෙනවා.
තරගාවලිය පන්දුවාර 20-20 ක්රිකට් ආකෘතියෙන් පැවැත්වෙනු ඇති.
සමස්ත තරගාවලියට ම තරග 24ක් ඇතුළත්.