විකීට සමුදීම හෙට: බර ඉසිලීමේ ක්‍රීඩාවට ලැදි සියල්ලන්ටම ආරාධනා
ක්‍රීඩා අමාත්‍යංශයේ ක්‍රීඩා සංගම් භාරව කටයුතු කළ හිටපු ක්‍රීඩා අධ්‍යක්ෂ සහ බර ඉසිලීමේ පුහුණුකරුවෙකු, කළමනාකරුවෙකු වන ආර්. බී. වික්‍රමසිංහ මහතා රාජ්‍ය සේවයට සමුදීම වෙනුවෙන් උපහාර උළෙලක් සංවිධානය කර තිබෙනවා.
ඒ අනුව බර ඉසිලීමේ ක්‍රීඩාවට මහඟු මෙහෙවරක් ඉටුකළ, ජාතික සහ ජාත්‍යන්තර පදක්කම් ලාභීන් බිහිකරමින් ශ්‍රී ලංකා බර ඉසිලීමේ ක්‍රීඩාව නගා සිටුවීමට තම දායකත්වය ලබා දුන් මෙම ජාතික පුහුණුකරුගේ විශ්‍රාම යාමට සමගාමීව සංවිධානය කර ඇති උත්සවය හෙට (08දා) දින පෙරවරු 10.00ට ටොරින්ටන් ජාතික බර ඉසිලීමේ පුහුණු ස්ථානයේදී පවත්වනු ලබනවා.
මෙම උත්සවය සඳහා බර ඉසිලීමට සම්බන්ධ නිලධාරීන්ට, පුහුණුකරුවන්ට, ක්‍රීඩක ක්‍රීඩිකාවන්ට සහ බර ඉසිලීමේ ක්‍රීඩාවට ලැදි සියලුදෙනාට ආරාධනා කර සිටිනවා.
