අභියෝගාත්මක තරගයේ කාසියේ වාසිය ඉන්දියාවට: පාකිස්තානයට පිතිකරණයට ආරාධනා

ලෝක කුසලාන එක්දින ක්‍රිකට් තරගාවලියේ ඉන්දියාව සහ පාකිස්තානය අතර තරගය මේ වනවිට ආරම්භ වී තිබෙනවා.

ඒ, ඉන්දියාවේ අහමදාබාද් නුවර නරේන්ද්‍ර මෝදි ක්‍රීඩාංගනයේදීයී.

තරගයේ කාසියේ වාසිය දිනාගත් ඉන්දීය කණ්ඩායමේ නායක රෝහිත් ෂර්මා පළමුවෙන් පන්දුවට පහරදීම සඳහා පාකිස්තාන කණ්ඩායමට ආරාධනා කළා.

ඩෙංගු වැළඳීම නිසා ලෝක කුසලානයේ ඉන්දියාව තරග කළ පළමු තරග දෙකට ක්‍රීඩා නොකළ ආරම්භක පිතිකරු ෂුබ්මන් ගිල් අද කණ්ඩායමට කැඳවා තිබෙනවා.

මේ වනවිට පන්දුවාර හයක් අවසානයේ පාකිස්තාන කණ්ඩායම කිසිවෙකුත් නොදැවී ලකුණු 28 ක් ලබා සිටිනවා.