පාකිස්තානයට බලාපොරොත්තුවක් ගෙනෙන තරගයක් අද: විලියම්සන් අදත් නැද්ද?
ඡායාරූපය - Getty Images
ලෝක කුසලාන එක්දින ක්‍රිකට් තරගාවලියේ නවසීලන්තය සහ පාකිස්තානය අතර තරගය අද පැවැත්වීමට නියමිතව තිබෙනවා.
ඒ, බැංගලෝරයේ එම්.චින්නස්වාමි ක්‍රීඩාංගනයේදීයි.
තරගය ශ්‍රී ලංකා වේලාවෙන් අද පෙරවරු 10.30 ට ආරම්භ වීමට නියමිතව තිබෙනවා.
අද තරගය සඳහාත් නවසීලන්තයේ නිත්‍ය නායක කේන් විලියම්සන් ක්‍රීඩා කරනු ඇත්ද යන්න සම්බන්ධයෙන් පවතින්නේ අවිනිශ්චිතතාවයක්.
ලෝක කුසලාන එක්දින ක්‍රිකට් තරගාවලියේ ප්‍රසාද ලකුණු සටහනේ නවසීලන්තය 04 වන ස්ථානයේ පසුවන අතර, පාකිස්තානය පසුවන්නේ එහි 06 වන ස්ථානයේයී.
අද තරගය ජයගතහොත් පාකිස්තානයද ප්‍රසාද ලකුණු 08 ක් ලබා ගනිමින් එම සටහනේ ඉදිරියට පැමිණෙනවා.