ඔස්ට්‍රේලියානු මාස්ටර්ස් තරගාවලියේදී ශ්‍රී ලාංකිකයෙකුට රන් පදක්කම් 03ක්: මීටර් 100, 200 සහ 400 ඉසව්වල රන් දිනයි
19 වන ඔස්ට්‍රේලියානු මාස්ටර්ස් තරගාවලියේදී (XIX Australian Masters Athletic games 2023) රන් පදක්කම් 03ක් දිනා ගැනීමට ශ්‍රී ලංකාවේ නිරෝෂන් සංජය මායාදුන්නේ සමත්වී තිබෙනවා.
ඔක්තෝබර් මස 07 වැනිදා සිට 14 වැනිදා දක්වා ඇඩිලේඩ් නුවරදී මෙම තරගාවලිය පැවැත්වුණා.
එහිදී මීටර් 100, 200 සහ 400 ඉසව්වල රන් පදක්කම් දිනා ගැනීමට නිරෝෂන් මායාදුන්නේ සමත්වී තිබෙනවා.
ඔහු ශ්‍රී ලංකා මහ බැංකුවේ සේවය කරන අතර ජයග්‍රහණයෙන් අනතුරුව පසුගියදා ශ්‍රී ලංකාවට නැවතත් පැමිණ තිබුණි.