වටලප්පන් මෙච්චර ලේසියෙන්, රහට හදන්න පුළුවන් කියලා දැනගෙන හිටියද?: මේ විදිහට හදලා බලන්න
වටලප්පන් කන්න කවුද අකමැති? හැබැයි මේක හදන්න ටිකක් වෙලා යන නිසා, ගෙදරම හදන්න ගෘහණියො ටිකක් කම්මැලියි. මේ කියන්න හදන්නෙ වටලප්පන් ලේසියෙන් සහ පහසුවෙන් පිළියෙල කරගන්නා ආකාරය ගැන.
* අවශ්ය ද්රව්ය :-
* බිත්තර 10 ක්
* කුඩු කරගත් හකුරු ග්රෑම් 500 ක්
* පොල්කිරි කෝප්ප 02 ක්
* කරදමුංගු තේ හැඳි 1/2 ක්
* සාදික්කා තේ හැඳි 1/4 ක් (තිබේ නම්)
* කජු ග්රෑම් 50 ක් (අවශ්ය නම්)
* සාදන ආකාරය :-
* පොල්කිරි, හකුරු, සාදික්කා සහ කරදමුංගු බඳුනකට දමා, හකුරු දියවන තුරු කලවම් කරගන්න.
* දැන් බිත්තර වෙනම භාජනයකට දමා ගසාගන්න. එය ගසාගත් බිත්තර - හකුරු මිශ්රණයට දමා කලවම් කරගන්න.
* එම මිශ්රණය උෂ්ණත්වය දරාගත හැකි බඳුනකට දමා උඩින් කජු කැබලි ද දමා ෆොයිල් කවරයකින් සීල් කර, රයිස් කුකරයක ආධාරයෙන් මිනිත්තු 15ක් පමණ හුමාලයෙන් තම්බාගන්න.