ලෝක ශූර ඔස්ට්‍රේලියානු ක්‍රිකට් කණ්ඩායමට මරණ තර්ජන: පවුලේ ඥාතීන් සහ බිරින්ඳෑවරුන්ට තර්ජන
ලෝක කුසලානය ජයගත් ජයග්‍රහණය කළ ඔස්ට්‍රේලියානු ක්‍රිකට් ක්‍රීඩකයින්ට මරණ තර්ජන එල්ල වී ඇති බව South Asia Index පුවත් සේවය පවසනවා.
එම සේවය මේ බව සඳහන් කළේ, සිය නිල X ගිණුමෙහි සටහනක් තබමින්.
එමෙන්ම ක්‍රීඩකයින්ගේ බිරින්ඳෑවරුන් දූෂණය කරන බවට ද තර්ජන එල්ල වී ඇති බව එහි සඳහන්.
එම තර්ජන ඔවුන්ගේ පවුලේ සමාජිකයන්ට ද එල්ල වී ඇති බවටයි, ක්‍රීඩකයින් ඔස්ට්‍රේලියානු ක්‍රිකට් ආයතනය වෙත දන්වා ඇත්තේ.
ඉන්දියානු ක්‍රිකට් රසිකයන් විසින් මෙම තර්ජන එල්ල කර ඇති බව South Asia Index පුවත් සේවය නිකුත් කළ X සටහනේ වැඩිදුරටත් සඳහන්.
මේ අතර හින්දුස්ථාන් ටයිම්ස් පුවත් සේවය ද මේ සම්බන්ධයෙන් ප්‍රවෘත්තියක් පළ කර තිබෙනවා.
ග්ලෙන් මැක්ස්වේල් සහ ට්‍රවීෂ් හෙඩ් ඉලක්ක කරගනිමින් අදාළ වෛරී ප්‍රකාශ නිකුත් වී ඇති බවයි එහි සඳහන් කර තිබුණේ.
ඉන්දියාවේ දී පැවැති එක්දින ක්‍රිකට් ලෝක කුසලාන තරගාවලියේ අවසන් මහා තරගය කඩුලු 06කින් ජයගැනීමටයි පසුගිදා ඔස්ට්‍රේලියානු කණ්ඩායම සමත් වුණේ.
ඒ, තරගාවලිය පුරා අපරාජිතව සිටි ඉන්දිය කණ්ඩයම පරාජයට පත් කරමින්.